តារា ចោម​ច័ន្ទ – ស្នេហ៍​អូន​ដូច​ថ្ងៃ​មុន​ទេ​?

បទៈ ស្នេហ៍​អូន​ដូច​ថ្ងៃ​មុន​ទេ?
ច្រៀង​ដោយៈ តារា ចោម​ច័ន្ទ
និពន្ធ​ដោយៈ វ៉ោយ ហូ
ថត​នៅ​ឆ្នាំៈ ១៩៧៤

១. បង​នៅ​ស្នេហ៍​អូន​ដូច​ថ្ងៃ​មុន​ទេ​បង?
ម្ដេច​​ជួប​ម្ដង​ៗ បង​ធ្វើ​ព្រងើយ?
ឬ​មួយ​ក៏​បង​អស់​ចិត្ត​ហើយ?
មេត្តា​បង​ឆ្លើយ ប្រាប់​អូន​ឲ្យ​ដឹង​ផង ។

២. អាសូរ​ព្រះ​ចន្ទ​នៅ​រះ​ដដែល​ទេ?
បើ​​ទឹក​ទន្លេ​ក៏​មិន​រីង​ដែរ​បង
ប្លែក​អ្វី​តែ​ស្នេហ៍​ប្រែ​សៅហ្មង?
ធម្មជាតិ​ទាំង​ពួង តើ​ដូច​ខ្ញុំ​ឬ​ទេ​?

បន្ទរ. បង​នៅ​ស្នេហ៍​អូន ឬ​អស់​ស្នេហ៍​ហើយ?
បើ​អស់​ស្នេហ៍​ហើយ ឆ្លើយ​ទៅ​ព្រលឹង
រឿង​អ្វី​ រឿង​អ្វី បា​ន​ជា​ប្រុស​ខឹង?
រូប​អូន​បង​លែង​សម្លឹង
អូន​តឹង​ទ្រូង​ណាស់​បង​អើយ ។

៣. ស្ដាយ​ណាស់​បើ​សិន​បង​បែក​ពី​អូន​មែន
អូន​សែន​ខូច​ចិត្ត​អស់​មួយ​ជីវិត​ហើយ
តែ​អូន​​ជឿ​ថាបង​មិន​ភ្លេច​ឡើយ
ពេល​​ភ្លៀង​រួច​ហើយ មេឃ​គង់​ស្រឡះ​ទែង ។

ភ្លេង – ៣